شبـــكة تـيـفـا

شبـــكة تـيـفـا (http://www.tefanet.info/vb/index.php)
-   English (http://www.tefanet.info/vb/forumdisplay.php?f=29)
-   -   دورة قواعد (http://www.tefanet.info/vb/showthread.php?t=13885)

سبيل الحياة 2009-02-16 12:46 AM

دورة قواعد
 
Download46986

أحبائى الكرام
طبعا معظمنا متعقد من الانجليزى خالص
وانا كنت واحد من الناس دى بس قدر الله لى أن تكون دراستى
انجليزى
Download64235

المهم
انا الوقتى عاوز احبب الناس فى الانجليزى
خصوصا ان هو سهل وبسيط جدا واحنا اللى مصعبين العملية على نفسنا خالص
Download64235

فمن هنا
انا هبدأ أعمل نظام كدا عبارة عن مواضيع تسهل الانجليزى علينا ماشى
وزى نظام دورة كدا
Download64235

فأرجو من كل اللى مهتم وعاوز يبقى حاجة فى الانجليزى
انه يتابع الموضوع دا وانا هثبته فى توقيعى
واتمنى من الادراة تثبيته لاحقا
Download64235

والموضوع هعمله فى نظام دروس سهلة خالص بإذن الله
ويكون الدرس الواحد فيه مم معلومة لخمسة بالكتير
والدرس هيبقى يوميا بإذن الله
Download64235
تقبلوا تحياتى
سبيل الحياة

سبيل الحياة 2009-02-16 12:50 AM

الدرس الأول
 
شوف ياجميل

الجملة في اللغة الإنجليزية تتكون من ثلاث حاجات رئيسية :



Subject ...الفاعل


Verb ..الفعل

Object.. المفعول به

والكثير مننا بيغلط في التركيب دا
ولازم تعرف ان التركيب دا ثابت ما بيتغيرش أبدا ماشى

شوف حبة الأمثلة دى كدا

They study geography ,,,,,,,, هم يدرسون الجغرافيا

They ......Subject

study....Verb


geography...Object

لو تتبعنا الترتيب الصحيح

أولا ..S

ثانيا ..V

ثالثا ....O

كتير مننا بيغلطوا ويرتبوا الجملة حسب القواعد العربية

فيقولوا ايه مثلا:

Study they geography

فدا غلط ان احنا نبدأ بالفعل زى العربى

فكل لغة لها قواعدها الخاصة بها ..


والخلاصة ياعم الحاج بتاع الدرس الأول


الجملة في اللغة الإنجليزية لازم نحط الفاعل فى الأول وبعدين الفعل وبعدين المفعول به ..




Download56228
ماشى الكلام أقابلكم فى الدرس التانى
محدش ينسى لو فيه حاجة غامضة او مش مفهومة
يقول على طول علشان نوضح


Download56228

سبيل الحياة 2009-02-16 05:01 PM

السلام عليكم
مافيش حد عاوز يتعلم انجليزى ولا إيه
ولا الناس اللى عوزا تتعلم شاركت وفهمت ومش عوزه تعلق
مش فاهم ياريت ياجماعه تشاركوا بردود ولو بكلمة شكر حتى على الأقل
وبطلب منكم الردود


WebCraker 2009-02-16 05:50 PM

جميل والله ياغالى تابع . .

الشرح هيكون مرجع موجود والناس هتوصله من محركات البحث وهنا برضوا

سبيل الحياة 2009-02-16 11:11 PM

شكرا كراكر جارى الشرح

سبيل الحياة 2009-02-16 11:24 PM

الدرس التانى
 
الأول فاكرين الدرس الأول يارجاله ولا ايه ؟؟؟
Download34171
يبدو انكم ذاكرتم كويس وما فيش مشكلة خالص
وكمان مش عوزين نعيد الدرس الاول خالص
شطار
Download34171
بصوا بأه
الوقتى أنا هشرح لكم الضماير
Pronouns
بس خلى بالكو كويس


في البداية لازم نعرف يعنى إيه ضمير ؟

الجماعة بتوع الانجليزى بيقولو ان الضمير
دا عبارة عن كلمة بتيجى عشان تحل محل الاسم
يعنى تكون بديله ليه

مثال عشان نوضح الكلام الصعب دا
mona eats apple
لو حبينا نغير اسم منى بضميرهنلقاها كده
She eats apple
Download34171
عوزك تفتح مرخيرك كويس عشان الحته دى مهمة جدا
احنا عندنا 9 أنواع للضمائر فى الانجليزى

Download34171

اوعى تخاف دا عدد بسيط وحاجة سهلة الواد بتاع الابتدائى عرفهم
احنا هناخد بس أول نوع الوقتى والباقى بعدين ماشى
Download34171
أولا
ضمائر إسم الإشارة
Demostrative pronouns

this
that
these
those
such

أمثلة
That is incredible!


this
that
these
those
such


أمثلة
That is incredible!
وهذا لا يصدق!
I will never forget this
أنا لن أنسى أبدا هذا
Such is my belief
هذا في اعتقادي

Download34171

نكمل المرة الجاية
ماشى ياشطار

mohamed ali 2009-02-17 02:28 PM

والله فكره جميله وياريت الشرح يفضل بالمستوي ده بحيث يفيد في الحياة العملية مش شرح مدارس :)

سبيل الحياة 2009-02-17 04:45 PM

حاضر ياعم محمد
انت تأمر
أهم حاجة تتابع ومتحرمناش من مشاركتك

WebCraker 2009-02-17 08:02 PM

تمام والله بارك الله فيك . . . تابع الدروس ياأستاذ احمد

وطريقتك فى الشرح مبسطة جدا بس ابقى خلى الدرس اكثر دسامة شوية

سبيل الحياة 2009-02-17 10:33 PM

من عينى ياكراكر
بس مش عاوز حد يقول ان الموضوع معقد
لأنى هعمل امتحانات واللى مش هيأجب هيضرب

سبيل الحياة 2009-02-17 11:37 PM

الحصة الكام مش فاكر واللى ماجبش فلوس الدرس يروح
 
فيه حاجة وقفت عليكم
طب الحمد لله
ياله النهاردة ناخد باقى أنواع الضمائر
وأنا طبعا كنت عاوز نمشى واحدة واحدة بس كراكر قالى إيه
خلى العملية دسمة شوية
المهم
Download62691
احنا عرفنا انهم 9 انواع
اخدنا ضمائر اسم الاشارة
ياله ناخد النوع التانى
هوا
الضمائر الشخصية Personal pronouns
ودى بتيجى مكان الاشخاص او الاشياء
وهيه نوعين


أول نوع >>
" الضمائر الشخصية Subject personal pronouns"
بتحل محل الفاعل وكمان بتيجى قبل الفعل

Download62691
بنلاقيهامتمثلة فى
I, you ,he , she , it , we
I , he , she , it دول نستخدمهم للمفرد
We دول نستخدمهم للجمع
You دى فى الحالتين مفرد وجمع
خد حبة الأمثلة دى عشان نفهم أكتر

She took the bus last night.
He is aschool boy .
We are Muslims .
I stayed at home.
You need another blanket .



تانى نوع >>
" الضمائر الشخصية Object personal pronouns"

Download62691
بتحل محل المفعول به وبنلاقيها بعد الفعل والفاعل

وهي نفس اللى فاتم بس محولين إلى ضيغة المفعول به لأنها تستخدم بداله
وهي
Me ,you , him , her ,it , us

برضه شوف الأمثلة دى عشان توضح الرؤية
John took it
Umar gave me abook
We sent you a letter.
He adores her.
I saw it with my own eyes.
They have just invited us to their wedding.
We went with him.

هاه نكتفى بكده ولا نكمل
نكمل ماشى نكمل

Download18559
النوع التالت من الضماير
الضمائر الملكية Possesive pronouns
Download62691
ودى ببساطة خالص تفيد الملكية أو يعنى ملكية حاجة معينة
وبنلاقى تحت النوع دا الضماير دى
Mine , yours ,his , hers , ours , yours , theirs

برضه شوف الأمثلة دى عشان توضح الرؤية

This book is mine.
This pencil case is yours.
Mary is a relative of his.
I've found hers.
Ours need watering.
Yours are bigger than mine.
These are your notebooks and those are theirs.
Download18559
النوع الرابع من الضماير
الضمائر الإنعكاسية Reflexisive pronouns
Download62691
ودى بتشير إلى الفاعل وبتنعكس عليه وبتتصاغ ازاى بأه؟
عن طريق إضافة Self للمفرد أو selves للجمع
ياله نشوف كده الموضوع دا

فتصبح

yourself
himself
herself
itself
ourselves
yourselves
themselves
برضه شوف الأمثلة دى عشان توضح الرؤية

The queen herself was among the demostrators.
The mayor himself spoke for the abolition of the dealth penalty.

Download18559
النوع الخامس من الضماير
الضمائر الإستفهامية Interrogative pronouns
Download62691
ودى بأه اللى بتستخدم في صياغة الأسئلة
أو لفرض سؤال معين
وهي التي تبدأ ب Wh
وهذه الضمائر هي :
what, which, who, whom, and whose.

برضه شوف الأمثلة دى عشان توضح الرؤية


What did you say؟
ماذا قلت ؟

Who said that?
من الذي قال ذلك ؟

Which do you prefer?
ماالذي تفضله؟

Download18559
النوع السادس من الضماير
ضمائر النفي أو الضمائر المنفية Negative pronouns
Download62691
ودى بنستخدمها لنفي العبارة أو الجملة الإسمية
والضمائر دى هي
no-one, nobody, neither, none and nothing
برضه شوف الأمثلة دى عشان توضح الرؤية
لايوجد Nobody is here

She is neither a British nor American
هي ليست بريطانية ولاأمريكية

Download18559
النوع السابع من الضماير
الضمائر التبادلية Reciprocal pronouns
Download62691
ودى بتفيد وتشير إلى تبادل شيء معين بين شخصين
و الضمائر دى هيه :
each other / one another
برضه شوف المثال دا عشان توضح الرؤية بس ركز

لو كتب خالد لأخته سامية رسالة
وبرضه
كتبت سامية رسالة لأخوها خالد
نقول
They write to each other
أو نقول
one another once a month
الاتنين صح

Download18559
النوع الثامن من الضماير
ضمائر الوصل Relative pronouns
Download62691
ودى بتربط مجموعة من الكلمات بأسماء معينة أو بضمائر تانيه
وهي
(who/whoever/which/that)
برضه شوف المثال دا عشان توضح الرؤية بس ركز شوية
The student who studies hardest usually does the best
الطالبة التي تدرس جيدا هي التي تقدم الأفضل عادة .

Download18559
النوع التاسع من الضماير والأخير
الضمائر الكمية Quantifier
Download62691
ودى بتفيد الكمية والمقدار
وهي
some, any, something, much, many, little, few , a lot

برضه شوف الأمثلة دى عشان توضح الرؤية

I have few litrary books.
أنا أملك بعض كتب الأدب

They like orange so much
هم يحبون البرتقال كثيرا .
وبكدا يارجالة نكون لنتهينا من الضمائر بأنواعها
فاكرين احنا خدنا ايه م الاول
ياريت ن\اكر عشان بدأت المعلومات فى التزاحم
واحنا لسه بنقول ياهادى
ركزوا كده
واوعو تنسو فلوس الحصة
1900بالرلاى
لو لقيتو العملة دى ابقو قابلونى
هاهأقابلكم الحصة الجاية
Download18559

3aShe2 2009-02-17 11:57 PM

جيت متأخر شوية على الدرس

اسف..

مع انى معقد من حاجة اسمها جرامر فى الانجلش

بس فهمت شوية

فى انتظار البقية

متابع...

Sir.7amato 2009-02-18 04:41 AM

أولاً : بشكرك شكر جاااامد اوى من هنا لحد الكوبرى
بجد إنت إنسان محترم وانا بحترم الإنسان الى بيكون عنده علم ويحاول يفيد غيره بعلمه
والكلام ده أنا لسه قايله لمحمد على فى دورة الفوتو شوب الى هو لسه هيبدأها
ربنا يوفقوا إن شاء الله يا شباب والأجر والثواب عند الله ،،

ثانياً : بفضل دورة القواعد دى تكون كل حصه فى موضوع لوحدها وبعدين تسيب الأخوه الأعضاء يردوا براحتهم بعد الحصه
وكل واحد يقول الى مش فاهمه او يقول هو عاوز يعرف إيه ،، وإنت تكون موجود ومتابع لو حد عاوز أى حاجه ،،
هتعمل مثلا الدوره دى وليكن فى 10 حصص ،،

يبقى ،،
الموضوع الأول .... الحصه الأولى وبتتكلم عن كذا
الموضوع الثانى ... الحصه الثانيه وبتتكلم عن كذا

وهكذا يا كبير ،،،
وبتعمل يا احمد موضوع شامل بقى لكل الحصص ودا يتثبت
ويبقى اسمه دوره قواعد وبيكون كده مرجع لأى حد بيسأل عن حاجه ،،
يارب تكون فاهمنى وإن شاء الله أنا لما أقابلك هفهمك أكتر ،،

تقبل مرورى وإقتراحى ،، وبجد بشكرك من كل قلبى



سبيل الحياة 2009-02-18 04:47 PM

أهلا ياحبيبى
ماشى أنا منتظرك تعدى عليه
واظبط وتظبط
واللى انت تعوزه يتم ياباشا على طول


سبيل الحياة 2009-02-20 11:29 AM

Download43117


أحبائى الكرام

اليوم وجدت دورة فى القواعد أفضل بكتير من شرحى

وهى منسقة ومرتبة وتعرض كعرض تقديمى من البور بوينت

إليكم صور منها

Download60205


Download25711


Download89345

Download32810



من فضلك
اضغط على الصورة للتحميل


Download49882


سجدة قلب 2009-04-01 11:20 AM

mona eats appleDownload84282
الحرف الاول كابتل M
بس من النظرة الايجابية عجبني(فتحوا منخريكم) وهذا يدل على اكنك عاوزنا نكون معاك بكل جوارحنا ...
بس الموضوع رااااااااااااااااااااااااااااااااااااااااااااااااا اااااااااااااائع ومررررررررررررررررررررررررررررررريح جدا
واسلوب العرض شيق وممتع
Download28427Download21048

mhager 2009-06-15 05:29 PM

noooooooooooo مين احكا انو ما فيه حد بدوا يتعلم الانجليزي الي ما بدو يتعلم هو حر بخياروا انا بدي اتعلم وغيري بدوا يتعلم شكرا لمجهودك واستمر انا بشجعك وفي غيري ان شاء الله

سبيل الحياة 2009-10-31 03:42 PM

شكرا على كلامك الطيب دا
وربنا يسهل

الحائره الصغيره 2009-11-04 01:08 PM

الله يجزاكي خير الجزا

عند جد انا نفسي اتعلم واتكلم اللغه الإنجليزيه حتى لو اكلها اكل هههههههههههه

وحابقى إن شا الله على طول معك وعلنا نستفيد من خبرتك يارب

l3lo3 2009-11-05 08:55 PM

الف شكر ليك بجد

بس المشكلة انه مرضيش يتحمل عندى
معرفش ليه

ياريت لو فى لينك تانى غير الرابيد شير مثلا يبقى تمام اوى


انا فعلا بحب اللغة ونفسى اهتم بيها اكتر من كده


الساعة الآن 08:15 AM.

Powered by vBulletin Version 3.8.11
Copyright ©2000 - 2018, Jelsoft Enterprises Ltd
استضافة , دعم فنى