إذا استفدت واعجبك الموقع لا تنسى سوى اعجبنى (Like) وارسل الصفحة لأصدقائك (Send)
المنتدى العام كل ما لا يخص الاقسام الاخرى

يوميات اتنين متجـوّزين {{ الجزء الرابع }}

يوميات اتنين متجـوّزين الحلقة الرابعة قــال عمــر : الحمد لله اني لم اتزوج واحدة مجنونة تخنقني بغيرتها وخناقها وعصبيتها.. فعلاً الثقافة والقراءة بتفرق

إضافة رد
قديم   المشاركة رقم: 1
الطائر الحزين
عضو فعال
 
الصورة الرمزية الطائر الحزين
 
تاريخ التسجيل: 2006-12-07
المشاركات: 79
التقييم: 10

الطائر الحزين is on a distinguished road



افتراضي يوميات اتنين متجـوّزين {{ الجزء الرابع }}

يوميات اتنين متجـوّزين  {{ الجزء الرابع }} 52cf88ecc0.gif

يوميات اتنين متجـوّزين

الحلقة الرابعة

يوميات اتنين متجـوّزين  {{ الجزء الرابع }} greypixel.gif

يوميات اتنين متجـوّزين  {{ الجزء الرابع }} t_farok_4.jpg


قــال عمــر


:
الحمد لله اني لم اتزوج واحدة مجنونة تخنقني بغيرتها وخناقها وعصبيتها.. فعلاً الثقافة والقراءة بتفرق جدا فى عقلية البنت.. لو كانت سارة واحدة دماغها فاضية من بتوع الموضة والاغاني وخلاص كانت قلبت دماغي على حكاية شيرين وقلبت بوزها 6 سنين وكل ما ح نشوف واحدة حلوة ح تبصّلي زي المخبرين في قسم البوليس لما بيصطادوا مجرم وهاتك يا تحقيق
بجد لو كانت عملت كده ما كنتش ح احكيلها حاجة ابدا بعد كده واريّح دماغي وخلاص.. ربنا يهديكي يا سارة وتفضلي عاقلة كده
***********
قــالت ســارة
:

:
منظر البحر ساحر والاحلى اني مع حبيبي ولا اخاف ان يراني أحد بل بالعكس اتمنى ان يعرف جميع الموجودين على الشاطىء اني عروسة في شهر العسل من فرط سعادتي واحساسي بالراحة.. مر عليّ أجمل اسبوع في حياتي كله فسح وخروج وسهر وحب في حب... مش عاوزة ابعد عن عمر ولا ثانية
فعلا لازم يسموه شهر عسل قصدى اسبوع عسل بس يا خسارة ده اخر يوم ونعود الى القاهرة غداً

نظرت الى عمر فوجدته شارد يفكر
ياترى بتفكر فى مين يا عمر؟.. في شيرين؟
مش معقول.. كفاية تفاهة بقى يا سارة واياكي تفتحي الموضوع ده ابدا... انا ما صدقت اني كسبت نقطة وخليته يثق فيّ كصديقة عاقلة قبل ما اكون زوجة غيورة بس بجد كنت ح اموت من الغيرة.. بس يعني لو صرخت وبوّزت وخاصمته ح اخليه ينسى اي واحدة ومايبصش لواحدة غيري؟ مش ممكن طبعا ده ح يبعد عني اكتر
لا ياسي عمر ده انا ح اكون قدامك ووراك وجنبك وفي كل مكان حتى تحت جلدك.. ده انا عاملة لك حتة خطة الليلة دي.. مش ح تخليك تفتكر لا شيرين ولا سعدية وتحلف ان مفيش فى الدنيا بنت غيري.. بس استنى عليّا
***********
قــال عمــر
:
المصاريف خرمت خالص يا واد يا عمر!!.. وباين علينا ح نقعد قدام المرسى ابو العباس نكمل الاسبوع.. فطار وغدا وعشاء برة البيت ده غير الفسح !! ماشاء الله على الشحاتة المتوقعة

الحمد لله ان العربية فيها بنزين ترجّعنا مصر بكرة ان شاء الله وراجع جري على بيت السيد الوالد طبعا علشان منحة ابوية تانية.. حاجة تكسف بجد.. بس الحقيقة كان اسبوع يجنن كان نفسي يبقى شهر
دول العزاب دول غلابة ياعم.. قال ويقول لك محلاها عيشة الحرية
***********
قالت سارة
:
أنا: ايه يا سي عمر انا ح اموت من الجوع وانت اخر طناش.. ايه خير؟.. انت ح تصوم الستة البيض من النهاردة؟
عمــر: يا ساتر يارب مش انا لسه يا بنتي مفطّرك من 8 ساعات!؟.. ده انتي ح تاكلينا لما نروّح
أنا: ياباي على الغلاسة.. يابني ح اموت من الجوع والناس اللي جنبنا دول ما بطّلوش اكل من ساعة ما وصلوا.. وحتى الست صعِبت عليها لما لقيتنا مدينها ترمس ولب من ساعة ماجينا قامت عزمت عليّ بطبق محشي وانت بتصلى العصر.. بس انا عملت فيها العروسة الشيك وقلت لها ميرسي ياطنط.. يا خسارة المحشي

عمــر: محشي ؟!!.. ياريتك جبتيلنا طبقين.. دي الفلوس اللي معانا يادوب تأكّلنا كشري واحتمال مفيش عشا كمان.. لازم يخلوا العرايس يطبخوا في شهر العسل علشان العرسان ما تشحتش ياحبيبتي
أنا: طيب ح نموت من الجوع ولا ايه النظام؟.. فهّمني علشان اروح الحق طنط بتاعة المحشي بسرعة.. دول دخلوا في المسقعة

عمــر: لا يا ستي آخر وجبة ح ناكلها هنا وأمري الى الله.. ح نروح ناكل فى مطعم قريب من البيت وبعدين بالليل فيه ناس قرايبنا هنا ابنهم عمل حادثة وح اضطر اروح أشوفه شوية.. تحبي تيجي معايا ولا بتخافي من المستشفيات؟
أنا: لا باخاف.. روح انت.. وبعدين عاوزة أحضر الشنط وانام بدري النهاردة.. معلش يا عمر لو جيت ولقيتني نايمة ما تصحّنيش علشان خاطري

عمـر: ياسلام؟.. لا والله ؟ كده يا سارة ... وتسيبيني أسهر لوحدي ؟
أنا: معلش يا عمر بجد تعبانة وعاوزة انام بدري.. الظاهر ح اخد دور برد.. ما تزعلش علشان خاطري
عمـر: لا يا حبيبتي خلاص.. انا عاوزك ترتاحي.. بس افتكريها

***********
قــالت ســارة
:
اخيراً عمر مشي وراح المشوار بتاعه.. قدامي حوالي 3 ساعات علشان أرتّب أجمل ليلة ح يعيشها في عمره

رتبت الشنط بسرعة جدا وكلمت حلواني مشهور في اسكندرية لأؤكد حجز تورتة حجزتها من امبارح على شكل قلب احمر ومكتوب عليها اسمينا انا وعمر وعليها كلمة: الى حبيبي.. أحبك
ثم أخرجت صندوق المفاجآت اللي كنت محضراه من القاهرة واللي رفضت ان يطلع عليه احد حتى امي.. وأخرجت منه مجموعة من الشموع الحمراء والوردية ووزعتها فى جميع انحاء المنزل.. لن أوقدها الا عندما يأتي حبيبي
ومجموعة من الورود المجفّفة جميلة الشكل نثرتها على الأرضية بشكل أسهم تشير الى غرفة نومنا.. ثم مجموعة من البطاقات الوردية والملونة التى كتبت عليها عبارات غرامية اليه ووزعتها فى كل المنزل بشكل مرتب ومتسلسل
ثم دخلت الحمام وأخذت شاور سريع.. ثم ملأت البانيو بماء ساخن ورغاوي صابون منعشة لعمر عندما يأتى ونثرت فوق المياة مجموعة من القلوب الحمراء الطافية.. وكتبت على مراية الحمام بالروج بخط صغير: كان أجمل اسبوع عسل فى العالم ياحبيبي
ثم دخلت الى حجرة النوم ورتبتها ورشيت معطر جو لم استخدمه من قبل ولم انسى الشموع طبعا.. ثم ارتديت طقم جديد ساحر كنت أخفيه.. ورشيت عطر رائع وجلست أضع الماكياج بدقة شديدة وكأنى سأتزوج مرة أخرى هذه الليلة.. هكذا سينسى اي امراة اخرى سواي وليس بالنكد.. يارب ارضى عنا

عمر بيركن سيارته تحت المنزل الحمد لله اننا فى الدور الخامس امامي وقت لبقية الخطة... وضعت التورتة فى الصالة وحولها الشموع ليراها اول ما يدخل.. ورتبت البطاقات وأغلقت انوار الشقة كلها وتركت باب الشقة مفتوح قليلا ودخلت أختبىء في غرفتي
***********
:
ايه يا سارة ده انتي نمتي وسبتي الباب مفتوح؟.. ايه ده النور مقطوع ولا ايه؟.. سارة انتي فين؟

ايه ده ايه ده انا مش مصدق عيني.. الله الله لا يمكن انا اكيد فى حلم.. سارة انتي فين؟
ايه التورتة الرهيبة دي؟. يااااااااااااااه ده انا حاسس اني ملك.. ساااااااااارة
وايه الكروت اللي على الارض دي؟
اول واحد مكتوب فيه: لو كنت بتدوّر عليّا اتبع الاسهم

آآه ده فيه أسهم بالورود على الارض كمان.. ايه الرقة دي؟
والكارت اللي بعده مكتوب عليه: حد يمشي ورا الاسهم برضه؟.. امشى ورا قلبك يا حبيبي وانت تلاقيني
ودخلتُ الحمام وجدته مجهز لملك او أمير.. بجد بجد بحبك يا سارة.. انتي فين يا حبيبتي.. اكيد هنا فى اوضتنا

كمان كارت على باب الحجرة مكتوب عليه: انا باعشق احلى رجل فى الدنيا.. هو انت
وفتحتُ الحجرة لأجد سارة تنتظرنى في أجمل صورة ممكن ان اتخيلها.. أميرة نائمة وسط الشموع والورود

هل ممكن ان تُرضي زوجة رجلها وتسعده بهذا الشكل الا زوجتي الرائعة و....... وسكت شهريار هذه المرة عن الكلام المباح
***********
يـ تـ بـ ـع..
***********

d,ldhj hjkdk lj[J,~.dk VV hg[.x hgvhfu CC

الطائر الحزين غير متصل   رد مع اقتباس
قديم   المشاركة رقم: 2
MohanneD
- عمدة المنتدى -
 
الصورة الرمزية MohanneD
 
تاريخ التسجيل: 2006-08-01
الدولة: KSA/Jeddah
العمر: 35
المشاركات: 214
التقييم: 112

MohanneD will become famous soon enoughMohanneD will become famous soon enough

إرسال رسالة عبر مراسل MSN إلى MohanneD إرسال رسالة عبر مراسل Yahoo إلى MohanneD


افتراضي

الحقنا بالجزء الخامسسسسسسسسسسسسسس
MohanneD غير متصل   رد مع اقتباس
قديم   المشاركة رقم: 3
Muhamed
شخصية هامة
 
الصورة الرمزية Muhamed
 
تاريخ التسجيل: 2006-09-20
الدولة: مصر ام الدنيا
المشاركات: 4,886
التقييم: 1049

Muhamed has much to be proud ofMuhamed has much to be proud ofMuhamed has much to be proud ofMuhamed has much to be proud ofMuhamed has much to be proud ofMuhamed has much to be proud ofMuhamed has much to be proud ofMuhamed has much to be proud of





Talking

لالالالالا



حرام كده


هو ا فيه كده اصلا



ايه يا عم طائر مين ساره دى


ملاك نزل من السما


اومال الغفر اللى بنسمع عنهم فى البيوت دول يبقوا ايه


اقلك


شوفلى واحده كده زى ساره

ولو لقيتها اياك تطمع وتتجوزها انته


ابعت لاخوك ماندوززز وانا جاهز بكل حاجه
Muhamed غير متصل   رد مع اقتباس
قديم   المشاركة رقم: 4
vip
°™(مــصـرى وافتخر)™°
 
الصورة الرمزية vip
 
تاريخ التسجيل: 2006-11-15
الدولة: EGYPT: U.A.E
المشاركات: 1,930
التقييم: 85

vip will become famous soon enough

إرسال رسالة عبر مراسل MSN إلى vip إرسال رسالة عبر مراسل Yahoo إلى vip


Thumbs up اشكرك

لالالالالالالالالالالالالالالالالالالالالالالاانا عايزه ساره ممكن لو عندك رقم موبيلها يريت تجيبهانا هطر افكر فيها
vip غير متصل   رد مع اقتباس
قديم   المشاركة رقم: 5
دلوعة الخليج
عضو فعال
 
الصورة الرمزية دلوعة الخليج
 
تاريخ التسجيل: 2006-12-10
الدولة: في دينة الغدر
المشاركات: 88
التقييم: 10

دلوعة الخليج is on a distinguished road



افتراضي

شكرا وايد حلوة اليوميات وامتعنا بالمزيد دائما
اختك دلوعة الخليج
دلوعة الخليج غير متصل   رد مع اقتباس
قديم   المشاركة رقم: 6
emo_000
بحب المنتدى
 
الصورة الرمزية emo_000
 
تاريخ التسجيل: 2006-12-29
الدولة: فى قلبك
العمر: 35
المشاركات: 106
التقييم: 10

emo_000 is on a distinguished road



افتراضي

كمل كمل
سيبك منهم وكمل
emo_000 غير متصل   رد مع اقتباس

إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
كونان(جميع حلقات المسلسل الكرتونى الشهير كونان من 1 الى 404( Muhamed أفلام كرتون وإنمى 17 2011-02-27 01:57 PM
تعليم الانجليزية للصغار english for Kids بحجم 542 ميجا تقريبا تحميل مباشر علي اكثر من osmany779 English 3 2009-02-02 03:38 PM
مكتبه العاب متجدده كل يوم بازن الله عمر محمد حسام الألعـــــــــاب 56 2008-10-31 01:54 PM
لعبه PRo EVOLUTION SOCCER 2008 مضغوطه بحجم 900 ميجا !! فقط وعلى أكثر من سيرفر TIGERKING الألعـــــــــاب 2 2008-08-25 12:20 PM
قنبلة[[[[[[[ أكثر من 40 فيلم كرتون من القديم]]]]]]]] kurapica أفلام كرتون وإنمى 6 2008-03-27 04:35 PM

Internal & External Links

الساعة الآن 05:29 PM..

آخر المواضيع

المواضيع الساخنة

أكثر المواضيع مشاهدة