إذا استفدت واعجبك الموقع لا تنسى سوى اعجبنى (Like) وارسل الصفحة لأصدقائك (Send)

انتي مخطوبه ؟... طب اتفضلي ....!!!

آنستي العزيزة.. لو ربنا فك عقدتك.. واتخطبتي.. فإليك نصائحي حتى تأخذي بخطيبك من مركب الخطوبة إلّلِي محدش عارف هاترسى على إيه.. إلى مثوااااه الأخير في قفص النسانيس.. قصدي قفص الزوجية

إضافة رد
قديم   المشاركة رقم: 1
امير الحب
مشرف سابق
 
الصورة الرمزية امير الحب
 
تاريخ التسجيل: 2006-12-31
الدولة: فى السيبر
المشاركات: 331
التقييم: 42

امير الحب is on a distinguished road

إرسال رسالة عبر مراسل MSN إلى امير الحب إرسال رسالة عبر مراسل Yahoo إلى امير الحب


افتراضي انتي مخطوبه ؟... طب اتفضلي ....!!!

آنستي العزيزة.. لو ربنا فك عقدتك.. واتخطبتي.. فإليك نصائحي حتى تأخذي بخطيبك من مركب الخطوبة إلّلِي محدش عارف هاترسى على إيه.. إلى مثوااااه الأخير في قفص النسانيس.. قصدي قفص الزوجية السعيد..
أجمل ما في الخطوبة العزومات الرومانسية على أحلى محلات أكل ف البلد.. واللي عمرك مانتي شايفاها بعد الجواز.. المهم نصائحي لك عند أي عزومة مع ختيبك.. أه ختيبك .. ما إحنا قلنا رقَّه .... هي الآتي :
1- الأول لازم تعرفي إن الشوكة والسكينة بيتمسكوا من إيديهم من الطرف يعني مش م الوسط ولا من البوز زي الخنجر ولا من فوق طبعًااا
2- العيش .. أوعي تفضحينا وتقطعيه بسنانك.. ولا الرغيف نصين بأيدك وكل نص منهم لقمة وعلي بؤك وتحشري.. لا.. لا.. لا.. أوعي.. العيش بيتقطع بالسكينة في الطبق.. وبعدين تاخدي لقمة.. لقمة.. بالعافية.. قال يعني نفسك مسدودة..معلش.. اضغطي على أعصابك جدااا وبعدين لما تروَّحي البيت .. إبقي حِفِّي..وإلهطي زي مانتِ عايزه.... ماشي ؟؟
3- الشوووربة.. أبوس كعب رجلك.. بند الشوربة ده مهم جدًاااا.. الشوربة تتشرب من غير صوت خالص.. ومن غير ماتقعدي تنفخي فيها.. زي القهوجي اللي بينفخ في الحجر للزبون.. وطبعًاااااا عايزك تنسى تمامًا السلطانية اللي بترفعيها على بقك في البيت..وتروحي زايحه الطبق علي بؤء واحد وتدلدقي على روحك.. الشوربه يا حجه تتشرب بالمعلقه وبدون صوت.. سخنة .. ولعة .. ملهلبه .. فيها حبهان .. فيها عفريت ..!!! برضه بدون صوت.. وتسيبي تلت الطبق ع الأقل ..
.. مش تمَيليه ناحيتك.. عشان تلهطيها لآخر نقطة..... إنضفوا بقي!!!!!
4- الرز .. طبعاً .. بيتاكل بالشوكة.. أوعي تتهبلي وإيدك تتمد ع المعلقة.. وتغرفي من طبق الرز وتعبي.. زي اللي جايبه من النجع..لأ.. إوعي.. الرز بالشوكة.. وكأنك بتبوسيه مش بتاكليه..
5- المكرونة الاسباجتي.. برضه بالشوكة.. تتلف على طرف الشوكة.. لحد ما تخلص وبعدين تحطيها في بؤك من سكات.. مش تشفطي المكرونة عود عود.. أظن واضح؟؟؟؟؟؟؟؟؟
6- السمك.. مشكلة هه؟؟.. طبعا بتحتاسي لما بتفصلي اللحم عن الشوك.. صح..؟؟ طب شوفي.. تقطعي اللحم من النص بالطول وبعدين تفردي اللحم ع الجانبين ولما تخلصي ناحية.. متقلبيش السمكة.. بلاش فِلح بقي.. بشياكه كده شيلي السلسلة بالشوكة والسكينة وحطيها في جنب الطبق
وكملي أكل النص التاني.. وبدل الفيلم الهندي ده والفضايح وقله القيمه.. نصيحة.. ماتكليش السمك خالص.. قولي لللوح اللي جايبك المطعم مابحبش السمك وخلصي نفسك..
7- الجمبري.. – دا إذا كنتي عارفاه-.. أول ما طبق الجمبري ينزل.. بصيله بقرف واحتقار شديد.. آل يعني زهقانة من كتر أكل الجمبري الجامبو في بيت ببااااا الباشا.. وأتنهدي جامد وقولي.. برضه..؟؟؟ وتروحي بكل شياكه قاطعة راس الجمبريياية.. بالشوكة.. وتاكلي.... أنا في عرضك إنسي المصمصة دلوقت خالص ..ده جمبري يا حاجه مش فسيخ العيد...
8- البطاطس ... سواء مسلوقة أو محمرة أو متنيله.. أوعي تهرسيها وتدبيها ع الرز وتدي ...لا..لآ...لآ...بالشوكة حتة حتة وإنت زي ما تكوني هاتعيطي من كتر ما البطاطس صعبانة عليكي..
9- الفاكهة.. لو الفاكهة فيها بذر.. طلعيه من بؤك بالراحة وحطيه ف إيدك وهي مقفولة.. وبعدين في طفاية السجاير اللي ع الترابيزه.. أوعي ياأمي من مواضيع التفتفة للبذر بقي وكده.. إنسي....
10- ولما تخلصي أكل تحطي إيدك على بطنك.. –اللي طبعا عصافيرها بتصوصو من العينات اللي انت كلتيها-.. وتقولي له مش ممكن.. أنا عمري ما اتفجعت كدة.. (يا الكدابه)انتي مخطوبه ؟... طب اتفضلي ....!!! msn-wink.gif
أنا أودامي أسبوع.. هابطل أكل فيه..... (ولا رزايه من رزك يا مه)

وبعدين تمسكي الفوطة اللي دايمًا موجودة ع التربيزة من غير لازمة.. وتبوسيها.. آل يعني بتمسحي بؤك..
بعدها تستأذني منه بكل رقه وشياكه(عشان مايشكش في حاجه) لدخول التوليت لإصلاح ماكياجك.. وتخشي التواليت وتطلعي من شنطة إيديك.. لفة الفول والطعمية اللي انت جايباها معاكي.. وبالهنا والشفااااااااااااا

انتي مخطوبه ؟... طب اتفضلي ....!!! Bye.gif انتي مخطوبه ؟... طب اتفضلي ....!!! 36_1_51[1].gif




hkjd lo',fi ?>>> 'f hjtqgd >>>>!!!

امير الحب غير متصل   رد مع اقتباس

إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
قصيده محشش لحبيبتووووووو هند فرفشة 0 2010-11-24 03:24 PM
هل أنت / انتى جريء و صريح ؟؟ دعونا نرى .., 3aShe2 قضايا وحوارات 3 2010-08-22 07:54 PM
بقيت آخر البنات المحترمين ملكة الرحمه القصص والروايات 43 2009-07-22 11:03 AM
دخول العجيزي وخروج المحمدي في قائمة الاهلي امام انبي memonor الكرة المصرية 0 2008-11-29 10:36 PM
الزمالك يكتسح انبي بثلاثية نظيفة MERAMADA كرة عربية وافريقية 0 2006-08-12 07:36 PM

Internal & External Links

الساعة الآن 09:32 AM..

آخر المواضيع

المواضيع الساخنة

أكثر المواضيع مشاهدة