إذا استفدت واعجبك الموقع لا تنسى سوى اعجبنى (Like) وارسل الصفحة لأصدقائك (Send)
المنتدى العام كل ما لا يخص الاقسام الاخرى

الى سيادتو(منقول)

إلى سيـادتــو إلى سيادتو اللي كعادتو دايما يسيب الشعب يتكلم على راحتو من واحد بسيط م الناس من الشعب اللي سعادتك مشرّفنا برعايته كل حاجة

إضافة رد
قديم   المشاركة رقم: 1
الطيب احسن
مشرف سابق
 
الصورة الرمزية الطيب احسن
 
تاريخ التسجيل: 2006-07-29
الدولة: ALEXANDRIA
العمر: 34
المشاركات: 895
التقييم: 63

الطيب احسن will become famous soon enough

إرسال رسالة عبر مراسل MSN إلى الطيب احسن إرسال رسالة عبر مراسل Yahoo إلى الطيب احسن


افتراضي الى سيادتو(منقول)

إلى سيـادتــو



إلى سيادتو
اللي كعادتو
دايما يسيب الشعب يتكلم على راحتو

من واحد بسيط م الناس
من الشعب اللي سعادتك مشرّفنا برعايته
كل حاجة تمام
وكلنا ماشيين على الخط اللى لينا رسمتو
ياسيادتو

*********

فاكر الواد اليتيم اللي حكيتلك عليه
الواد اللي عربية السيراميك دهست ايديه
افتكرتو ؟؟؟
بيسلم على سيادتك كتير
وبيقولك ممنونين
رحنا بيه التأمين
وعملوله عملية على إيدين أكبر ممرضين
هه... الموجودين
والحمد لله
فاضله صابعين سُـلام ف إيديه اليمين
وادّوله وهوّه ماشى جاراميسين
وعلبتين فيتامين
من أبو اتنين جنيه
متشكرين
على التأمين
اللي سيادتك عملتو
ياسيادتو

*********

وصاحبى طارق اللى حكيتلك عليه مرّة
امبارح بعتلي صورته من بلاد برّه
وفيها مراته
اسمها كاترين
وعياله بسم الله بيض منوّرين
صاحبي قعد يحاول يخطب هنا تسع سنين
ولما ماعرفش.. هاجر
لعن أبو النسوان والدش وفتارين المتاجر
صرخ وقال أمشى قبل ما أكون زيّكو تاجر
أساوم على عرضى والإسم شبكة ومهر
أذل طالب الحلال
وأرفع الفاجر
وراح مهاجر
ما تزعلش منو
غصب عنو
شباب بقى ومستعجل
السكن الرخيص والإيجار الجديد ورخص تمن الحديد
هيه.. نهايتو
لسه كتير صابرين
مستنيين
الوعد اللي لينا وعدتو
ياسيادتو

*********

وعم أبو عطيّة
فرّاش المدرسة الثانويّة
قالي لما تشوف سيادتو تسلم عليه
الراجل دعالك بحرقة لحد ما احمرت عينيه
والله راجل طيب
وياما انحرم
راح طلعة الشهر اللي فات
يكشف قالولو عندك ورم
ولزمن لابد تعمل أشعة مقطعية
يحددوا نوع الورم وبعدين يعملو العملية
غلبان ياعم عطية
عارف الأشعة بكام يابيه
بمتين جنيه
منين ؟
ف مستشفى الحكومة ببلاش
لكن لازم ننتظر شهرين
واحنا لا ف ايدينا الوقت ولا القرشين
عملنا ايه؟؟؟
صبرنا
واحنا ف ايدنا حاجة غير الصبر
بس الموت هوه اللى مابيصبرش
بالأمر
وهناك فى القبر
هيعرفوه نوع الورم ببلاش
يعني كان هيلاقى منين يعمل العملية حتى لوكان عاش
أهي موتة كريمة أحسن من ذل السؤال
وعلى رأي اللي قال
الصبر للغلبان
والسجن للجدعان

*********

والبلد ليكو
جميع من عندنا بيبوس إيدين معاليكو

منقوووووووووووول*********

hgn sdh]j,(lkr,g)

الطيب احسن غير متصل   رد مع اقتباس
قديم   المشاركة رقم: 2
tota
عضو شرف
 
الصورة الرمزية tota
 
تاريخ التسجيل: 2006-07-30
الدولة: Alexandria, Egypt
العمر: 33
المشاركات: 429
التقييم: 10

tota is on a distinguished road



Messenger3

هههههههههههههههههههههههه
tota غير متصل   رد مع اقتباس
قديم   المشاركة رقم: 3
tota
عضو شرف
 
الصورة الرمزية tota
 
تاريخ التسجيل: 2006-07-30
الدولة: Alexandria, Egypt
العمر: 33
المشاركات: 429
التقييم: 10

tota is on a distinguished road



Messenger3

والله ما أنا عارفة اضحك ولا أبكى على اللى قولته
tota غير متصل   رد مع اقتباس

إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

Internal & External Links

الساعة الآن 09:00 AM..

آخر المواضيع

المواضيع الساخنة

أكثر المواضيع مشاهدة