إذا استفدت واعجبك الموقع لا تنسى سوى اعجبنى (Like) وارسل الصفحة لأصدقائك (Send)
المنتدى العام كل ما لا يخص الاقسام الاخرى

إحنـا بنشتـرى رجـاله يا أمينــه

يا جماعه الكلام اللى هتقروه دلوقتى ده موثق من الدلائل التاريخيه على العلاقه الزوجيـه بين الشـاب و البـنت .. عشـان كلمـه أحنا بنشتـرى رجـاله دى واحده من أحـلى تثبيتـه بيسمعهـا

إضافة رد
قديم   المشاركة رقم: 1
!! GoldeN BoY !!
مشرف سابق
 
الصورة الرمزية !! GoldeN BoY !!
 
تاريخ التسجيل: 2006-12-27
الدولة: مصـــــــ طنطا ــــر
العمر: 30
المشاركات: 436
التقييم: 16

!! GoldeN BoY !! is on a distinguished road

إرسال رسالة عبر مراسل MSN إلى !! GoldeN BoY !! إرسال رسالة عبر مراسل Yahoo إلى !! GoldeN BoY !!


Transfered إحنـا بنشتـرى رجـاله يا أمينــه


يا جماعه الكلام اللى هتقروه دلوقتى ده موثق من الدلائل التاريخيه على العلاقه الزوجيـه بين الشـاب و البـنت .. عشـان كلمـه أحنا بنشتـرى رجـاله دى واحده من أحـلى تثبيتـه بيسمعهـا الشاب من أهـل العروسـه وفى الأخـر (( أحنـا بنشتـرى رجـاله )) ..

مصر الفرعونيه

بابا انا عايز اتجوز اختى حت حور
خلاص يا ابنى خليها تنقل حاجتها فى قوضتك .. وابقى هاتلها حجرين صوان هدية
.. مبروك يا تاح
............ ......... .....

مصر فى عصر الرومان
تتجوزينى يا افروديت
اتجوزك يا بانسيلوس
يللا بينا نبنى كوخ ع البحر ونعيش هناك
يللا
............ ......... .......

مصر بعد الفتح الاسلاميولدى خالد يا شيخ احمد بيريد يتجوز ابنتك البكر الكريمة .. وبيبنى خيمة ..
ويقدم مهر بعير
والله خالد ولدك زين الرجال .. وايش اتمنى غير رجل صالح يكون زوج لبنتى ..
وكما قال رسول الله صلى الله عليه وسلم " ان جاءكم من ترضون دينه وخلقه فزوجوه
.... قيموا الافراح
............ ......... ......

مصر 1919
انت هتتجوز بنت الحاج عبد الجليل .. انا كلمته خلاص ووافق .. وضب قوضتك
وهات خلخال .. فرحك يوم الخميس اللى جاى
طب مش اشوفها الاول يا بابا
انت اتجننت يا ولد تشوفها ده ايه .. انت هتتجوز والا تخبص
حاضر يا بابا
............ ......... ........

مصر 1960
بقى يا ستى بنتك آمال جالها عريس
ياألف نهار ابيض يا ألف نهار مبروك
جدع طيب وابن حلال موظف فى الحقانية .. وماهيته مش بطالة .. اهو يبنوا
حياتهم سوا بعد الجواز.. والا ايه رأيك يا أم العروسة؟
الرأى رأيك يا أبو العروسة .. والله العيال هيعجزونا يا ابو محمد
فشر .. تدبل الوردة وريحتها فيها يا نرجوستى
............ ......... .........

مصر فى عصر الانفتاحاخرسى يا بنت ... انا اللى يتجوز بنتى لازم يكون عنده شقة تمليك وعربية
وسوبر ماركو
بس يا ماما
ما فيش بس .. انا وابوكى قبل ما يموت فى الحرب كانت بتعدى علينا ايام ما
بنلاقيش ناكل .. انا يا بنتى مش عايزاكى تتعذبى زى ما احنا اتعذبنا .. انتى
هتتجوزى فتحى ابن خالتك
بس انا مش بحبه يا ماما
الحب ما بيأكلش تونة فى الزمن ده يا فالحة
امرك يا ماما
............ ......... ...

مصر 2006
المشهد الاول
نهار خارجى ... احد الكافيتريات المغلقة ... موسيقى هادئة تملا المكان

حسن : يا حبيبتى انا مرتبى 250 جنية بعد الضرايب والمستنقعات .. وبعد الشغل
بحاول اعمل اى مصلحة يعنى باصفى فى الشهر حوالى 400 450 ... وما عنديش شقة
ومش محوش ولا مليم .... اهلك عمرهم ما ح يوافقوا بيه

احلام : ياحسن يا حبيبى بابا وماما متفاهمين جدا ... وما يهمهمش غير سعادتى
... الفلوس دى آخر حاجة ممكن يتكلموا فيها

حسن : انتى شايفة كده ... ماشى .... حددى لى ميعاد مع باباكى الجمعة الجاية
الساعة 6
............ ......... ......... ......... ..

المشهد الثانى

فى منزل احلام ... منزل قديم .... فرش متواضع جدا .. يجلس الاب الذى يبلغ من
العمر الثالثة والستين .... وبجواره العم 55 عاما ... والخال 56

الخال : منورنا والله يا استاذ حسن
حسن : ده نورك يا عمي
الاب : فين الشاى يا ام احلام
ام احلام من بعيد : جاية اهه يا ابو احلام

الاب : ها يا ابنى .. هتدفع كام وتشيل
حسن : اللى تأمر بيه يا عمى
الاب : الامر لله يا ابنى .. احنا مش طالبين كتير .. شقة تمليك فى اى حتة تكون
نضيفة .. ومهر 25 الف جنية يا دوب ده احنا هنحط ادهم مرتين علشان نجيب العفش
وانت هتجيب الاجهزة والسجاد وحاجة المطبخ والستاير والذى منه .. وهتجيب شبكة
بزيهم .. طبعا انت عارف ان الدهب غلى يعنى مش هيجيبوا حاجة بس انت وذوقك بقى
.. مش كده والا ايه يا ام احلام
ام احلام : آه يا أخويا دى عفاف بنت خالتها خطيبها جايبلها شبكة بخمسين الف
جنية .. ده غير الاجهزة الحديثة اللى جايبهالها معاه وهو جاى من السفر
الاب : اما الفرح فى قاعة صغيرة بس طبعا لازم تساع الحبايب واحنا حبايبنا كتير
.. والقايمة والمؤخر طبعا انت سيد العارفين .. وفى الاول والآخريا ابنى ..
احنا بنشترى رجالة
حسن : بس يا عمى انا ممعاييش المبالغ اللى حضرتك بتتكلم فيها دى
الاب : اللى ممعهوش مايلزموش يا ابنى .. واحنا فى الاول والآخر بنأمن لبنتنا
حياة سعيدة .. امال عايز تاخدها رخيصة والا ايه؟
حسن : يا عمى لو بنتك رخيصة ما كنتش خبطت على بابكم .. وسكك الغلط فى الزمن ده
سهلة .. واكتر م الهم على القلب .. وبعدين احنا ممكن نلم الدور .. وحضرتك عارف
ظروف الحياة اللى بنعيشها .. وانت لسه قايل بعضمة لسانك ان كل حاجة غليت ..
والظاهر ان الانسان بس هو اللى عمال بيرخص
الاب : قصدك ايه؟
حسن : قصدى يعنى دبلتين .. وشقة قانون جديد على قد الحال .. ومهر ربع جنية ..
واجيب انا عفش بيتى على قد فلوسى .. وفرح بسيط مش بهرجة ورقص ومسخرة .. ده
احنا بنبتدى مع بعض علاقة نضيفة .. اجيب كمبيوتر اجيب تليفزيون .. اجيب تلاجة
صغيرة والا كبيرة .. فى الاول والآخر احنا اللى هنستعملها .. ولو باظت اكيد
انا برضه اللى هاجيب غيرها مش هآجى واقولك هاتلى .. وحضرتك ممكن تاخد رايها
على الكلام ده
الاب : انت جاى تشتمنى والا ايه ؟ .. احنا ما عندناش بنات تمشى كلامها على
ابوها .. الظاهر انك جيت البيت ده غلط

حسن : لا ياحج انا طبعا ما جتش غلط .. بس ممكن اكون عايش فى زمن غلط .. مع ناس
مش عايشة فيه .. وبعدين هو مش حضرتك مصرى برضه .. ومسلم طبعا ؟ .. يبقى انا ما
جتش غلط .. انت اللى قاعد غلط وبتتكلم غلط فى غلط
الاب : احترم نفسك يا ولد
حسن : بلا احترم نفسى بلا نيلة بقى .. احترموا انتوا ظروفنا اللى انتوا حطتونا
فيها .. احترموا انتوا دينكم اللى بتعتقدوه وبتعلموهولنا .. احترموا انتوا
عقولنا بكلامكم اللى مالوش اى علاقة لا بالعقل ولا بالواقع
الاب : اطلع برة .. ده انا عمرى ما هاجوزهالك حتى ولو على جثتى
حسن : حتى دى كمان غلط .. ولا تمت للحقيقة بصله .. والحدق يفهم .. سلامو عليكو
............ ......... ..
يخرج حسن من منزل احلام .. يسب ويلعن ويضرب الارض بقدميه .. بعد قليل يدق جرس
هاتفه المحمول
حسن : ايوة
احلام : ايه يا حسن اللى انت هببته مع بابا ده
حسن : باباااااااااااا .. انا ماشفتش بابا يا طنط .. انا شفت نخاس بيبيع جارية
فى سوق العبيد .. شفت جزار بيبيع معزة للى يدفع اكتر
احلام : ايه يا حسن الكلام ده انت بتغلط فيه .. طب وانا ذنبى ايه .. انا مش
عايزة فلوس ولا دهب ولا حتى غسالة عادية .. هاتلى طشت ياحسن .. هاتلى قلة ..
مش عايزة غير عشة وانسان احبه ويخاف علية واخاف عليه .. واظن ده من حقى انا مش
مراهقة ولا طفلة .. انا عندى اربعة وعشرين سنة ...يعنى اقدر اتحمل مسؤلية
قرارى .. واختار الانسان اللى هيعيش معايا حياتى كلها تحت سقف واحد ...
اهىء اهىء اهىء
حسن : خلاص بقى بطلى عياط حقك علية .. معلش انا كمان زعلان من اللى حصل
واعصابى مشدودة
احلام : طب وهنعمل ايه دلوقت
حسن : العمل عمل ربنا اللى مايرضيهوش اللى بيحصل ده .. ده حتى حرام وظلم
وافترا
احلام : طب ايه رايك يا حسن .. لو اسم نفسى كده وكده .. وتيجى تنقذنى ونتجوز
حسن : لا اااااااا .. انا فى عرضك .. الا ما الحقش انقذك وتروحى فيها ..
وبعدين كده تبقى روميو وجولييت .. وانا ما ينفعش انهى القصة عليها .. ستين
واحد هيخش يقولى يا حرامى .. دى نهاية مفقوسة وقديمة حتى اسأل جدو شكسبير
احلام : طب هنعمل ايه يا حسن؟
حسن : اهو كل واحد يقفلها براحته .. انا قلت اللى عندى خلاص

اسيبكم بقي يا شباب تتخيلوا النهاية

YpkJh fkajJvn v[Jhgi dh HldkJJi

!! GoldeN BoY !! غير متصل   رد مع اقتباس

إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

Internal & External Links

الساعة الآن 01:10 PM..

آخر المواضيع

المواضيع الساخنة

أكثر المواضيع مشاهدة